3.500,- / 2.800,-
Myndirnar á Bjarnastaðahlíðarfjölum og Flatatungufjölum eru einstakar í íslenskri menningarsögu og jafnframt elstu myndir sinnar tegundar á Norðurlöndum. Hér eru eldri tilgátur um uppruna aldur og staðsetningu fjalanna teknar til endurskoðunar.
3.490,- / 2.792,-
Þýðing: Guðjón Ingi Guðjónsson sem einnig ritar inngang. 2004.
Draugasaga mun vera fyrsta rómverska leikritið sem út kemur á íslensku. Höfundur þess, Plátus, naut gríðarlegra vinsælda fyrir skopleiki sína meðal Rómverja, þegar ferill hans var í blóma í kringum aldamótin 200 f.Kr. Af varðveittum latínuleikritum eru enda flest eftir Plátus.
Verk hans urðu til á þeim tíma þegar latneskar bókmenntir voru enn í frumbernsku. Rómversk gamanleikjaskáld sóttu frá upphafi mjög til grískra fyrirmynda og var Plátus þar engin undantekning. Aftur á móti virðist hann hafa borið einkar gott skynbragð á kímnigáfu landa sinna og vék frá flóknum sögufléttum hinnar nýju grísku kómedíu, en ýkti staðalpersónur hennar upp úr öllu valdi. Útkoman sló í gegn í Róm, öfgafull gerð skopleikja þar sem skrípalæti og fyndni réðu ríkjum, tónlist fór með stórt hlutverk og raunsæi og skipuleg uppbygging sögunnar var fyrir borð borin. Plátus stillti sig um að skopast að einstökum persónum og atburðum úr samtíð sinni – persónur hans eru holdgerðir lestir eða skapgerðareinkenni sem allir geta hent gaman að – en undir niðri má sjá glytta í samfélagsgagnrýni þar sem hetjan er oftar en ekki klókur þjónn sem leikur á húsbónda sinn, hinn heimska góðborgara, andstæðingar Rómverja eru málaðir björtum litum og óbeint er vísað til ofsókna stjórnvalda og illrar meðferðar Rómverja á ýmsum þjóðhetjum sínum. Enda fór svo að Plátus bakaði sér að lokum óvinsældir ráðamanna.
Draugasaga fjallar um heimkomu húsbónda nokkurs eftir að sonur hans og þjónalið hafa sólundað nær öllum eigum hans. Verkið hefur að geyma ýmsar helstu staðalpersónur Plátusar og er fullt af ólíkindalegri fyndni. Það gefur þó einnig nokkra mynd af samfélagsháttum eins og þeir munu hafa verið í Róm um daga höfundarins. Þýðingu Guðjóns Inga Guðjónssonar fylgir afar fræðandi inngangur um hinn rómverska skopleik og leikhúshefðir tímabilsins, auk viðauka um staðalpersónur og samtímavísanir. Þá hefur verið bætt við verkið leiðbeiningum og skýringum til að auðvelda nútímalesendum skilning á verkinu.
3.490,- / 2.792,-
Þýðing: Jón Sigurðsson frá Kaldaðarnesi.
Formála ritar Þorsteinn Gylfason.
1985.
Dýrabær eftir George Orwell má teljast ein af máttugustu skáldsögum 20. aldar og hafa vinsældir hennar ekki dvínað frá því að hún kom fyrst út árið 1945. Þykir hún eitt besta dæmi bókmenntasögunnar um ádeilu sem heppnast, án þess að slegið sé af listrænum kröfum, að vera á yfirborðinu auðskilið ævintýri sem allir geta lesið sér til ánægju, en felur jafnframt í sér hvassa gagnrýni með tilvísun í stjórnmál samtíma síns og stóratburði í mannkynssögunni.
Verkið er dæmisaga og er söguþráður þess víðfrægur: dýrin á bóndabýlinu Miklabæ gera uppreisn, sölsa undir sig stjórn bæjarins og nefna hann Dýrabæ. En það sem framan af virðist vera paradís þar sem dýrin njóta fullkomins frelsis og sjálfstæðis laus við kúgun mannanna ummyndast smám saman í alræðisríki þar sem veruleiki þeirra er ömurlegri en nokkru sinni fyrr. Uppistaðan í Dýrabæ Orwells er saga rússnesku byltingarinnar og Sovétríkjanna og hvössust er ádeilan á tvískinnung og blekkingar þeirra sem látast vera að framkvæma hina fögru hugsjón um jafnrétti, frelsi og reisn. Listileg meðferð Orwells á þessari sögu gerir hana að áhrifaþrungnum og ógleymanlegum harmleik.
George Orwell samdi stórvirki sín, Dýrabæ og 1984, með þá hugsjón að leiðarljósi að sameina stjórnmálabaráttu og listsköpun og fetar hann þann vandrataða veg flestum mönnum betur. Önnur verk hans bera sama aðalsmerki, jafnt skáldsögurnar sem hinar fjölmörgu ritgerðir sem hann skildi eftir sig þótt hann létist fyrir aldur fram. Í verkum sínum leitar hann oftsinnis í brunn eigin reynslu, af borgarastyrjöldinni á Spáni þar sem hann barðist sjálfur, af eymd verkafólks í stóriðjuhéruðum Bretlands og um dvöl sína í Búrma þar sem hann sinnti lögreglustörfum um fimm ára skeið.
Þorsteinn Gylfason hefur ritað formála að Dýrabæ þar sem hann fjallar um lífshlaup og feril höfundarins.
Eftir George Orwell hefur einnig komið út Lærdómsritin Í reiðuleysi í París og London og Stjórnmál og bókmenntir.
3.700,- / 2.960,-
Þýðendur: Gunnar Sigvaldason og Katrín Jakobsdóttir
„Ég segi það hreint út: Við lifum í miðju kerfi niðurlægingar, grimmdar og drápa, sem er fyllilega sambærilegt við allt það sem viðgekkst í Þriðja ríkinu, og gerir Þriðja ríkið beinlínis smátt í samanburði, að því leyti að okkar kerfi er óendanlegt, það endurnýjar sig sjálft og fæðir kanínur, rottur, fiðurfénað og búpening stöðugt inn þennan heim í þeim tilgangi að drepa þau.“
Nóbelsverðlaunahöfundurinn John Coetzee beitir hér aðferðum rithöfundarins til að nálgast eina flóknustu og erfiðustu spurningu samtímans: Hvers vegna ættum við að halda áfram að meðhöndla dýr eins og sálarlausar vélar, án tilfinninga, án hugsunar og án réttinda? Gunnar Theodór Eggertsson ritar inngang.
19.900,- / 15.920,-
Einstök leiðsögn um undraheim dýranna.
Dýraríkið er í senn yfirgripsmikið fræðslurit og uppflettirit um dýrafræði, uppfullt af fróðleik um dýr af öllum stærðum og gerðum, allt frá örsmáum frumdýrum til stærstu spendýra. Í tveimur bindum er fjallað í máli og myndum um lífsstörf og líkamsgerð dýra, flokkun þeirra og helstu eiginleika, og sagt frá hegðun og sérkennum fjölda einstakra tegunda. Farið er víða yfir og fléttað saman fræðilegum texta og forvitnilegum frásögnum.
Örnólfur Thorlacius, líffræðingur og kennari, kom víða við á löngum ferli við skrif og þýðingar. Eftir hann liggur fjöldi kennslubóka og rita almenns eðlis en Dýraríkið er hans metnaðarfyllsta ritverk og ber vitni ævilangri ástríðu fyrir hvers kyns fróðleik tengdum dýraríkinu. Örnólfi entist ekki aldur til að fylgja ritinu eftir til útgáfu og sáu Árni Thorlacius, lífefnafræðingur, Lárus Thorlacius, eðlisfræðingur og Magnús Thorlacius, líffræðingur, um að ljúka verkinu en allir þrír eru afkomendur Örnólfs.
Ritið er ríkulega myndskreytt og því fylgir ítarleg atriðisorðaskrá.
3.490,- / 2.792,-
Þýðandi: Peter Foote
Sögð er saga íslenskra bókmennta frá fyrstu tíð til siðbreytingar. Landnám, fundur Grænlands og Vínlands, Eddukvæði og skáldakvæði, lærdómsrit og lagaverk, kirkjuleg verk, konunga sögur, Íslendinga sögur og fleira sem lýtur að bókmenningunni. Kjörin bók til vina og viðskiptamanna erlendis.
2.500,- / 2.000,-
Hér birtist lýsing á nokkrum eðlisþáttum skáldsögunnar. Bókin skiptist í sex kafla: 1. Hver segir söguna? 2. Bygging 3. Persónusköpun 4. Tími og umhverfi 5. Mál og stíll 6. Þema. Bókin er hugsuð sem kennslubók í bókmenntafræði en ætti að gagnast öllum áhugamönnum um bókmenntir.
Útgáfuár: 1981
9.900,- / 7.920,-
Einar Jónsson (1874–1954) var brautryðjandi í íslenskri höggmyndalist. Í þessari bók er fjallað um stórbrotinn listferil hans, merkingarheim höggmyndanna, listræna hugmyndafræði og viðtökur á Íslandi. Höggmyndir Einars vöktu mikla athygli og umræður á Íslandi í takt við sterka þjóðernishyggju sjálfstæðis baráttunnar í upphafi nýrrar aldar. Einar gaf íslenska ríkinu listaverk sín og Alþingi veitti fé til byggingar safns yfir verk hans á Skólavörðuholti.
Ólafur Kvaran er prófessor í listasögu við Háskóla Íslands. Hann var ritstjóri verksins Íslensk listasaga sem kom út í fimm bindum árið 2011, safnstjóri Listasafns Íslands 1997 til 2007, sérfræðingur hjá Norrænu ráðherranefndinni í Kaupmanna höfn 1992 til 1997 og forstöðumaður Lista safns Einars Jónssonar 1980 til 1991.
2.800,- / 2.240,-
Uppseld
Heimspekifyrirlestrar Sigurðar Nordal, Um einlyndi og marglyndi, sem hann flutti fyri áheyrendur veturinn 1918-1919 og vöktu mikla athygli, birtast hér á prenti.
4.900,- / 3.920,-
Þorsteinn Vilhjálmsson þýddi og ritstýrði
Albert Einstein birti 5 greinar um eðlisfræði á árinu 1905. Greinarnar fjalla um stærð og eðli sameinda, um takmörkuðu afstæðiskenninguna og um skammtaeðli ljóss. Þær eru allar, hver með sínum hætti, undirstöðurit í vísindum og tækni nútímans. Greinarnar í bókinni hafa allar haft veruleg áhrif á sögu vísinda og tækni allar götur síðan þær birtust, til dæmis á mótun hugtaka eins og atóma og sameinda, á kjarneðlisfræði, öreindafræði og stjarnvísindi, og á alls konar tækni eins og GPS, ljósnema, tölvur, hljóðvarp og sjónvarp, farsíma, stafrænar myndavélar, fjarstýringar og þannig mætti lengi telja.
Útgáfuár: 2015
2.135,- / 1.708,-
Safn til iðnsögu Íslendinga. Málmiðnaður á Íslandi á 19. öld og fyrri hluta 20. aldar.
Bókin fjallar um eina af elstu iðngreinum Íslandinga, járnsmíði. Meginefni ritsins er saga málmiðnaðar á Íslandi á 19. öld og fyrri hluta 20. aldar. Fjallað er um verklag, vinnubrögð, verkfæri og vélar og rakin þróun þessarar merku iðngreinar.
990,- / 792,-
Útgáfuár: 1999
3.490,- / 2.792,-
Þýðandi og inngangshöfundur: Dr. Gunnar Kristjánsson
Bonhoeffer tók virkan þátt í andspyrnunni gegn Hitler og Þriðja ríkinu. Fyrir það galt hann með lífi sínu, örfáum dögum áður en dagar Hitlers voru taldir. Bréf Bonhoeffers og hugleiðingar frá þeim tíma er hann sat í fangelsi nasista hafa verið þýdd á fjölda tungumála.
3.499,- / 2.799,-
Safn til iðnsögu Íslendinga. Saga kælitækni.
Hér er rakin saga kælitækni á Íslandi og sagt frá upphafi þess að Íslendingar tóku að hagnýta sér kulda til þess að varðveita matvæli. Vélar til frystingar og kælingar voru fyrst settar upp í Vestmannaeyjum árið 1908 en ís af tjörnum og íshús héldu þó velli fram undir miðja þessa öld.
4.900,- / 3.920,-
Grímur Thomsen (1820–1896) var skáld, bókmenntafræðingur, heimspekingur, embættismaður og stjórnmálamaður. En hver var þessi maður sem mörgum hefur reynst ráðgáta? Var hann óþjóðlegur heimsborgari eða rammíslenskur bóndi, talsmaður nýrra viðhorfa eða fornra, einn á báti eða í samfloti með öðrum? Hvers vegna var hann ýmist í vörn eða sókn, huldi slóð sína og brá iðulega yfir sig grímu? Hvað leynist á bak við feiknstafina sem einkenna svipmót hans og skrif? Hópur hugvísindafólks rannsakaði Grím og samtíma hans í tilefni af tveggja alda afmæli hans. Afraksturinn getur að líta í þessari bók sem varpar nýju ljósi á einn þekktasta fulltrúa 19. aldarinnar á Íslandi.
Ritstjórar eru Sveinn Yngvi Egilsson og Þórir Óskarsson.
3.490,- / 2.792,-
Það ríkir mikil dulúð í kringum manninn Laozi. Samkvæmt kínverskri hefð er talið að Laozi hafi verið uppi á 6. öld f.Kr. og verið samtímamaður Konfíususar. Sumir fræðimenn vilja þó telja að Laozi sé þjóðsögn og hafi í raun aldrei verið til. Þrátt fyrir óvissu um höfund verksins hefur það engu að síður haft ómæld áhrif um aldir í hinum austræna og vestræna heimi.
Ferlið og dygðin er höfuðrit daoisma sem hefur verið hluti af menningarheimi og menningarvitund Kínverja í um tvö þúsund ár. Daoismi tekur á sig tvær ólíkar myndir, annars vegar sem trúarbrögð og hins vegar sem heimspeki og lífsviska. Í trúarlegum daoisma er Laozi vegsamaður sem æðstur goða. Áhrif verksins á kínverska menningu ná langt aftur í sögu hennar og hefur það meðal annars haft áhrif á kínverska heimspeki, bókmenntir, leturgerð, myndlist og tónlist. Daoismi er enn lifandi trú í Hong Kong, Tævan og Kína og hefur haft umtalsverð áhrif á sköpun kóreskrar og japanskrar menningar. Á 18. öld barst verkið fyrst til Englands í latneskri þýðingu og hefur síðan verið gefið út margsinnis á þjóðtungum Evrópubúa. Kenningar daoisma fengu nýjan búning hjá vestrænum hugsuðum sem veltu fyrir sér sambandi manns og náttúru. Hugmyndir Hegels og Marx um breytingar í krafti togstreitu andstæðra afla bera einnig keim af daoisma. Þess má geta að Ferlið og dygðin er það verk bókmenntasögunnar sem oftast hefur verið þýtt á eftir Biblíunni. Bókin skiptist í tvo hluta, fyrri hlutinn fjallar um ferlið og hinn seinni fjallar um dygðina. Hver hluti samanstendur af stuttum þáttum sem fjalla um mannlega breytni, útdeila lífsspeki, stjórnspekilegum hollráðum og hvernig best megi haga sáttfúsum og heillyndum samskiptum manna. Kverið er margrætt og hafa ýmsar túlkanir á því litið dagsins ljós.
Laozi hefur lengi verið íslenskum lesendum kunnur. Fyrsta íslenska þýðingin á þessu höfuðriti hans kom út árið 1921 undir heitinu Bókin um veginn og hefur síðan alloft verið gefin út í öðrum þýðingum. Ragnar Baldursson hefur nú þýtt ritið beint úr frummálinu og hefur titli bókarinnar verið breytt til að endurspegla betur viðfang frumtextans. Þessi nýja útgáfa sker sig frá þeim fyrri að því leyti að kínverski frumtextinn er hafður samfara íslenska textanum ásamt ítarlegum ritskýringum. Útgáfan mun því gagnast nemendum og áhugamönnum kínverskra fræða og tungumáls einkar vel. Ragnar skrifar einnig fróðlegan inngang að ritinu þar sem helstu hugtök eru skýrð fyrir lesandanum ásamt því að varpa ljósi á bakgrunn og umfangsmikil áhrif textans.
Showing 33–48 of 302 results
