3.210,- / 2.568,-
Á þessari bók birtast tvær sjúkrasögur Freuds, sem jafnan ganga undir nöfnunum „Dóra“ og „Úlfamaðurinn“. Um „Dóru“-söguna hefur gríðarmikið verið skrifað og er þeirri umræðu enn ekki lokið. Það ert því ekki að ástæðulausu að hún skuli birt nú í íslenskum búningi, þó að hún sé rúmlega aldargömul. „Úlfamaðurinn“ er hálfum öðrum áratug yngri. Þar er fjallað um ýmis efni, m.a. samkynhneigð.
3.745,- / 2.996,-
Hvers vegna var Egils saga samin og hvaða þýðingu hafði hún í huga lesenda á 13. öld? Hver er Egill og hvernig endurspeglar lýsingin á honum atburði í lífi Snorra Sturlusonar, líklegs höfundar sögunnar? Í bókinni Skáldið í skriftinni glímir höfundur við þessar og fleiri spurningar og leggur fram óvænta lausn á þeirri ráðgátu sem Egla óneitanlega er.
Útgáfuár: 2004
4.500,- / 3.600,-
Í þessu öðru bindi um Skálholt fjallar Hörður Ágústsson um allar kirkjur er þar hafa staðið frá öndverðu. Öll tiltæk gögn notar hann í rannsókn sinni, hinn uppgrafna kirkjugrunn, byggingaleifar, naglfasta muni, ljósmyndir, teikningar og ritaðar heimildir, Umfjöllun um hverja kirkju er þannig hagað að fyrst eru heimildarvitnin leidd fram, síðan er í máli og myndum reynt að gera grein fyrir stærð hennar og gerð. Þá er byggingarsaga rakin, leitað höfundar eða höfunda, rætt um list og stíl og reynt að setja hverja kirkju í byggingarsögulegt samhengi.
4.500,- / 3.600,-
Í þessu þriðja bindi um Skálholt, í ritröðinni Staðir og kirkjur, er fjallað um skrúða, áhöld, minningarmörk og bækur. Greint er annars vegar frá þeim hlutanum sem horfinn er, og hins vegar frá þeim sem varðveist hefur.
3.499,- / 2.799,-
Safn til iðnsögu Íslendinga. Saga sútunar á Íslandi.
Í þessari bók er lýst í máli og myndum helstu aðferðum við sútun og verkun skinna. Fjallað er um skinnaverkun fyrr á öldum, hvernig sútaraiðn festi rætur hérlendis með fyrstu faglærðu súturunum og hvernig sútun var verksmiðjuvædd um miðja 20. öld.
2.500,- / 2.000,-
„Hið eilífa snertir manninn eins og háfjallakyrrð. Eins og dásamlegur friður. Eins og hamingja sem ekki verður lýst með orðum.“
Skriftamál einsetumannsins eru tilraun til að tjá með ljóðrænum hætti hinar „óseigjanlegu“ tilfinningar fyrir veruleikanum, tilfinningar sem spretta af því að maðurinn er hugsandi vera: í senn vitni að því hvernig tilveran opinberast honum og þátttakandi í þeim undrum og öflum sem þar er að finna.
Páll Skúlason ritaði formála og Ragnheiður Richter eftirmála.
7.900,- / 6.320,-
Skúrinn var menningarhús sem flakkaði um — sumir elskuðu Skúrinn en öðrum var í nöp við hann. Í bókinni eru teknir saman allir þeir viðburðir sem áttu sér stað í Skúrnum á árunum 2011–2014, en í honum sýndu okkar fremstu myndlistarmenn, haldnir voru tónleikar og skáld lásu úr verkum sínum.
1.500,- / 1.200,-
Hið íslenska bókmenntafélag 1816-2016.
Höfundur: Sigurður Líndal.
Hið íslenska bókmenntafélag var stofnað árið 1816. Af tilefni tveggja alda afmælisins kemur út ágrip af sögu þessa elsta bókaforlags landsins en stofnun Bókmenntafélagsins markaði gagngera breytingu á viðhorfi manna gagnvart íslenskri tungu og bókmenntum.
Rakin er stofnun félagsins, greint frá útgáfustarfi og annarri starfsemi þess.
4.600,- / 3.680,-
Hinar fornu sögur Íslendinga eru hér endursagðar á einföldu en kjarnmiklu máli þar sem samhengi sagna, atburða og persóna frá öllum þjóðveldistímanum er rakið, allt frá Ingólfi Arnarsyni landnámsmanni á 9. öld fram til Sturlu Þórðarsonar sagnaritara. Byggt er á Landnámabók, Íslendingasögum, biskupasögum og Sturlungu. Höfundur lætur lesendum hins vegar eftir að draga mörkin milli sanninda og skáldskapar. Dr. Jónas Kristjánsson var lengi forstöðumaður Stofnunar Árna Magnússonar á Íslandi.
Útgáfuár: 2012
3.499,- / 2.799,-
Safn til iðnsögu Íslendinga. Sagt frá mannvirkjum úr steini og steypu.
3.500,- / 2.800,-
Bókin fjallar um þau margslungnu lögmál sem stýra formi íslenskra bókmennta, bundins máls og óbundins, allt frá dróttkvæðum og eddukvæðum fram til dægurlagatexta nútímans.
Útgáfuár: 2013
4.900,- / 3.920,-
Í Stjórnmálum er fjallað með skýrum og greinargóðum hætti um nokkur grundvallarhugtök nútímastjórnmála. Fjallað er um ólíkan skilning á stjórnmálum, valdi, yfirráðum, lögmæti, ríki, fullveldi, þjóðríki, öryggi, velferð, stýringu, þjóð, þjóðernishyggju, hnattvæðingu, fjölmenningu, hlutverki trúarbragða og lýðhyggju. Einnig er fjallað um sjálfstæðisbaráttuna, íslenska þjóðernishyggju og deilur um utanríkismál sem gjarnan hafa snúist um ólíka sýn á fullveldi og sjálfstæði.
Markmiðið er að öðlast betri skilning á hinum pólitíska veruleika með hjálp hugtaka og kenninga stjórnmálafræðinnar.
Bókin er skrifuð með almenna lesendur í huga, ekki síst ungt fólk og nemendur. Fyrir áhugamenn um stjórnmál og þjóðfélagsumræðu er bókin hvalreki.
3.490,- / 2.792,-
Þýðing: Uggi Jónsson
George Orwell er með þekktari pólitískum skáldum 20. aldar. Hann var rithöfundur, ljóðskáld og blaðamaður en er nú oftast minnst fyrir skáldsögur sínar, Dýrabæ, sem komið hefur út í íslenskri þýðingu á vegum Bókmenntafélagsins, og 1984. Orwell, sem lýsti sér sem sósíalískum demókrata, lét óréttlæti og alræðisstefnur samtímans sig svo miklu varða að hann gerðist sjálfboðaliði í stríðinu gegn þjóðernissinnum á Spáni og reyndi ákaft að bjóða fram krafta sína í stríði Bretlands gegn Hitler. Áðurnefndar bækur bera pólitískri meðvitund Orwells skýrt vitni og fordæma harðlega hvers kyns tilhneigingar til alræðis, undir hvaða merkjum sem þær birtast. En þótt flestir nútímamenn tengi Georges Orwell við eftirminnilegan skáldskap, þá var hann einkum kunnur meðal samtímamanna sinna fyrir blaðamennsku sína og snjallar ritgerðir.
Ritgerðir Orwells eru ótalmargar, sumar þeirra birtust í blöðum og tímaritum á meðan höfundurinn lifði, en aðrar litu ekki dagsins ljós fyrr en eftir dauða hans þegar ritgerðir hans, ritdómar, erindi, blaðagreinar, dagbókarbrot og bréf voru gefin út í mörgum bindum. Viðfangsefnin voru af ýmsu tagi, allt frá veðri og matseld til valdadýrkunar og hegningaraðferða. Bókin Stjórnmál og bókmenntir geymir brot af bestu ritgerðum Orwells á þessu sviði. Greinarnar gefa glögga mynd af honum sem ritgerðasmið, skáldsagnahöfundi, þjóðfélagsgagnrýnanda og bókmenntarýni. Safnið gefur lesandanum þannig heilsteyptari mynd af þeim ólíku viðfangsefnum sem gripu hugsuðinn Orwell. Meðal ritgerða í Stjórnmálum og bókmenntum má finna hugleiðingar Orwells um stjórnmál og hvernig þau tengjast dvöl hans í Búrma, þátttöku hans í spænska borgarastríðinu og friðarstefnu Ghandis. Einnig má lesa um afstöðu hans gagnvart vináttulandsleikjum, þar sem hann færir rök fyrir því að slík iðkun kunni að ýta undir fjandskap og illar kenndir gagnvart mótherjaþjóðinni. Greinar um bókmenntir, ritlist og rithöfundarferil Orwells eru einnig meðal ritgerða í þessu safni. Þar birtast meðal annars áhyggjur hans af tungumálinu sem afvegaleiðandi afli í skilningi á veruleikanum og hvernig vinna má bug á þessari spillingu.
Uggi Jónsson þýddi greinarnar úr ensku en hann hefur áður þýtt verk Orwells og fleiri rit fyrir Bókmenntafélagið. Róbert H. Haraldsson ritar inngang að útgáfunni og gefur lesandanum greinargóða mynd af helstu hugðarefnum Orwells.
Eftir Orwell hafa einnig verið gefin út sem Lærdómsrit Dýrabær og Í reiðuleysi í París og London.
4.900,- / 3.920,-
Þessi átök tveggja hugmynda eru hin forna germanska hugmynd um að þau myndist við sammæli á þingum og nýrri hugmyndar um að þau séu fyrirmæli konunga af Guðs náð.
Snorri aðhyllist hina fornu hugmynd um lög sem bindi alla, líka valdsmenn, en grípa megi til mótstöðuréttar, brjóti valdsmenn lögin, hinn óskráða sáttmála um meginreglur. Sigurður Líndal (1931-2023) var prófessor í lögum við Háskóla Íslands og kenndi þar meðal annars réttarsögu. Hann var forseti Hins íslenska bókmenntafélags 1967-2015.
17.450,- / 13.960,-
ÍSLENZK FORNRIT XX–XXII
STURLUNGA SAGA EÐA ÍSLENDINGA SAGAN MIKLA
BROT ÚR JARTEINUM GUÐMUNDAR ARASONAR
BROT ÚR ÞORGILS SÖGU SKARÐA
HRAFNS SAGA SVEINBJARNARSONAR
ÁRONS SAGA HJÖRLEIFSSONAR
Guðrún Ása Grímsdóttir gaf út með formála, skýringum og skrám.
Ritstjóri: Þórður Ingi Guðjónsson.
Sturlunga saga er varðveitt í tveimur óheilum skinnhandritum frá 14. öld og mörg um pappírshandritum frá 17. öld og síðar. Sturlunga er sagnasafn um atburði sem gerðust á Íslandi á tímabilinu 1117–1264. Eftirtaldar sögur og þættir fléttast saman í Sturlungusafnritinu: Geirmundar þáttur heljarskinns, Þorgils saga og Hafliða, Ættartölur, Sturlu saga, Formáli, Prestssaga Guðmundar Arasonar góða, Guðmundar saga dýra, Íslendinga saga Sturlu Þórðarsonar, Haukdæla þáttur, seinni hluti Hrafns sögu Sveinbjarnarsonar, Þórðar saga kakala, Svínfellinga saga, Þorgils saga skarða, Sturlu þáttur og loks viðauki. Í þessari útgáfu eru ennfremur brot úr jarteinum Guðmundar Arasonar, brot úr Þorgils sögu skarða, sjálfstæð gerð Hrafns sögu Sveinbjarnarsonar og Árons saga.
Sturlunga saga er mikilvægasta samtímafrásögn sem til er um valdabaráttu íslenskra höfðingja með þátttöku norska konungsvaldsins og Rómarkirkjunnar. Kjarni sagnasamsteypunnar eru fjörbrot íslenska goðaveldisins. Meginsöguefnin eru stríð milli náskyldra og tengdra höfðingja um lífsrými og valdaskiptingu innanlands, uggur brýst fram í draumum og dróttkvæðar vísur lofsyngja vígamanninn. Sturlunga er stríðssaga en greinir líka í fáum dráttum frá almannagötum, utanferðum, húsaskipan, ástum, dansi og veislum, sagnaritun, kersknikveðskap og hversdagslegri iðju. Sagan opnar lesanda leiftursýn á bændasamfélag miðalda en sviðsetur jafnframt örlagaþrungna atburði sem leiddu til þess að Íslendingar gengu Noregskonungi á vald laust eftir miðja þrettándu öld.
3.500,- / 2.800,-
Í tæpa tvo mánuði brjótast þrír íslenskir ofurhugar áfram í stöðugum mótvindi og grimmdarfrosti Suðurskautslandsins. Ekkert stöðvar þá, hvorki úfnir skaflar né sprungur. Hver dagur líður með þrotlausu erfiði. Hvað knýr þessa menn áfram? Hvaða baráttu heyja þeir innra með sér og við miskunnarlausa náttúru á stærsta jökli heims? Bókin um skíðaleiðangur Ólafs Arnar Haraldssonar, Haralds Arnar Ólafssonar og Ingþórs Bjarnasonar er ævintýri líkust. Eftir mikið harðræði stóðu þeir á Suðurpólnum á nýársdag 1998. Í lifandi og grípandi frásögn opnar höfundurinn lesandanum veröld ísálfunnar í suðri, sem flestum er ókunn, og með einlægum hætti veitir hann sýn inn í hugarheim pólfarans og átökum hans við sjálfan sig. Óvenjuleg og heillandi ferðasaga frá Reykjavík til Suðurpólsins með fjölda glæsilegra ljósmynda.
Útgáfuár: 2002
Showing 225–240 of 305 results
