Umhverfisrit Bókmenntafélagsins

Í þessari bók er fjallað um eina mikilvægustu auðlind Íslandinga, orkuna í jarðhitasvæðunum. Íslenskar aðstæður eru lagðar til grundvallar en lögð áhersla á eðli jarðhitaauðlindarinnar á hnattræna vísu og lesendur fá tækifæri til að bera hana saman við aðrar auðlindir að efnabyggingu, eðli og vinnsluaðferðum.

Bent er á að þrátt fyrir sérfræðiþekkingu íslenskra vísindamanna á jarðhitasviði hafi nokkuð skort skilning á eðli auðlindarinnar við uppbyggingu virkjana hérlendis. Engin tvö jarðhitakerfi eru eins, segir höfundur, og því þarf rannsóknir og fræðilegt mat á hverju stigi, frá tilgátu og leit til lokaákvörðunar um virkjun. Misráðnar nýtingarframkvæmdir kunna að stafa meðal annars af því að jarðhitaorkuna er erfitt að flokka sem endurnýjanlega eða endanlega. Leit, framkvæmdir og nýting verða að fara fram undir merkjum sjálfbærrar framvindu með almannahag að markmiði.

Stefán Arnórsson er fæddur í Reykjavík 6. desember 1942. Hann stundaði grunnnám í jarðfræði við Edinborgarháskóla og framhaldsnám í nytjajarðefnafræði við Imperial College í London. Doktorsritgerð hans ber heitið A Geochemical Study of Selected Elements in Thermal Waters of Iceland. Að námi loknu starfaði Stefán um áratugarskeið við Orkustofun en síðan við Háskóla Íslands. Jafnframt hefur hann unnið víða erlendis sem sérfræðingur og ráðgjafi við jarðhitaverkefni. Stefán hefur helgað ævistarf sitt rannsóknum á jarðhita. Eftir hann liggja um 120 ritverk (bókarkaflar og greinar í ritrýndum tímaritum) og auk þess um 150 skýrslur um ýmis efni á sviði jarðefnafræði og orkumála. Bókin er gefin út í tilefni 75 ára afmælis höfundar.

Tvö bindi í öskju.

Þýðing: Sigurbjörn Einarsson sem einnig ritar inngang, en auk þess rita inngangskafla Einar Sigurbjörnsson og Eyjólfur Kjalar
Emilsson.

Heilagur Ágústínus frá Hippó (354-430) var einn sá hugsuður sem öðrum fremur mótaði hugmyndafræði hinnar kristnu kirkju og þar með hugarheim vestrænna manna
fram á okkar dag. Hann var áhrifamestur hinna svonefndu kirkjufeðra og frægastur þeirra á okkar dögum, sér í lagi fyrir trúarheimspeki sína, sem auk þess að hafa einstakt
mikilvægi í hugmyndasögulegu samhengi er enn tekin alvarlega við rannsóknir á ýmsum mikilvægum vandamálum heimspekinnar.

Játningarnar eru, ásamt Um ríki Guðs, annað höfuðrit Ágústínusar. Að mörgu leyti er hér um að ræða einstakt verk, til að mynda er það talið vera fyrsta sjálfsævisagan á
Vesturlöndum. Þá er öll bókin beint ávarp Ágústínusar til Guðs og hefur kirkjan tekið fjölmarga kafla hennar upp sem bænir. Framan af bókinni lýsir höfundurinn lífshlaupi
sínu fram að því er hann missti móður sína rúmlega þrítugur og þroskaferlinu sem leiddi hann loks til þess að snúast til kristni. Áður hafði Ágústínus hlotið mikinn frama sem kennari í mælskulist og aðhyllst ýmsar heimspeki- og trúarstefnur, til að mynda Maníkisma, heimspeki efahyggjumanna og sér í lagi nýplatonisma, svo sem sjá má stað í allri hugsun hans og guðfræði.

Í seinni hluta Játninga snýr Ágústínus sér hins vegar að hreinni trúarheimspeki. Þar skýrir hann sköpunarsögu Mósebókanna á allegórískan hátt, fjallar um eðli tímans  og ráðgátuna um það hvernig sambandi Guðs, sem er eilífur og óbreytanlegur, við sköpunarverkið getur verið háttað, þar sem það síðarnefnda er tímanlegt og hverfult. Þessir tveir ólíku hlutar verksins mynda þó eina heild því ævisaga Ágústínusar sjálfs er í augum hans dæmi um það lögmál sem allt sköpunarverkið er ofurselt; sérhver hlutur á tilvist sína aðeins í Guði og hlýtur að leitast við að snúa aftur til Hans.

Áður hefur komið út á íslensku þýðing Sigurbjörns Einarssonar á fyrstu níu bókum Játninganna, en nú hefur sú þýðing verið endurskoðuð og seinni fjórum bókunum bætt við. Þá bætast við þessa útgáfu inngangskaflar eftir Einar Sigurbjörnsson annars vegar og Eyjólf Kjalar Emilsson hins vegar, þar sem fjallað er um Ágústínus bæði sem guðfræðing og sem heimspeking.

Kaupmannahöfn við Eyrarsund var höfuðborg Íslands í nær 500 ár, frá miðri 15. öld til 1. des. 1918.

Saga borgarinnar sem höfuðborgar Íslands hefur ekki verið sögð fyrr í heild. Hún er rakin í tveimur glæsilegum bindum, ríkulega myndskreyttum.

Þessi mikla samskiptasaga er sögð á ljósan og skilmerkilegan hátt og margt kemur hér fram sem áhugafólki um sögu Íslands og Danmerkur mun þykja fengur að.

Kirkjur Íslands er grundvallarrit um friðaðar kirkjur á Íslandi þar sem horft er á þær frá sjónarhóli byggingarlistar, stílfræði og þjóðminjavörslu. Í máli og myndum er fjallað um kirkjurnar sjálfar ásamt kirkjugripum og minningarmörkum. Kirkjur Íslands eru vandaðar og glæsilegar bækur sem opna sýn inn í mikilvægan þátt í íslenskri menningarsögu. Til útgáfunnar var stofnað í tilefni af 1000 ára afmæli kristnitöku á Íslandi. Áætlað er að bókaflokkurinn verði 29 bindi og útgáfunni ljúki 2018.

Í bindum 1-4 er fjallað um friðaðar kirkjur í Árnesprófastsdæmi. Bindin eru prýdd fjölda ljósmynda, sem Ívar Brynjólfsson ljósmyndari Þjóðminjasafns hefur tekið, og teikningum af kirkjunum.

Að útgáfunni standa Minjastofnun Íslands, Þjóðminjasafn Íslands og Biskupsstofa. Meðútgefandi og dreifingaraðili er Hið íslenska bókmenntafélag.

Kirkjur Íslands er grundvallarrit um friðaðar kirkjur á Íslandi þar sem horft er á þær frá sjónarhóli byggingarlistar, stílfræði og þjóðminjavörslu. Í máli og myndum er fjallað um kirkjurnar sjálfar ásamt kirkjugripum og minningarmörkum. Kirkjur Íslands eru vandaðar og glæsilegar bækur sem opna sýn inn í mikilvægan þátt í íslenskri menningarsögu. Til útgáfunnar var stofnað í tilefni af 1000 ára afmæli kristnitöku á Íslandi. Áætlað er að bókaflokkurinn verði 29 bindi og útgáfunni ljúki 2018.

Í bindum 15 og 16 er fjallað um friðaðar kirkjur í Snæfells- og Dalaprófastsdæmi. Bindin eru prýdd fjölda ljósmynda, sem Ívar Brynjólfsson ljósmyndari Þjóðminjasafns hefur tekið, og teikningum af kirkjunum.

Að útgáfunni standa Minjastofnun Íslands, Þjóðminjasafn Íslands og Biskupsstofa. Meðútgefandi og dreifingaraðili er Hið íslenska bókmenntafélag.

Kirkjur Íslands er grundvallarrit um friðaðar kirkjur á Íslandi þar sem horft er á þær frá sjónarhóli byggingarlistar, stílfræði og þjóðminjavörslu. Í máli og myndum er fjallað um kirkjurnar sjálfar ásamt kirkjugripum og minningarmörkum. Kirkjur Íslands eru vandaðar og glæsilegar bækur sem opna sýn inn í mikilvægan þátt í íslenskri menningarsögu. Til útgáfunnar var stofnað í tilefni af 1000 ára afmæli kristnitöku á Íslandi. Áætlað er að bókaflokkurinn verði 29 bindi og útgáfunni ljúki 2018.

Í þessu bindi er fjallað um friðaðar kirkjur í Rangárvallaprófastsdæmi. Ritið prýðir fjöldi ljósmynda, sem Ívar Brynjólfsson ljósmyndari Þjóðminjasafns hefur tekið, og teikningum af kirkjunum.

Að útgáfunni standa Minjastofnun Íslands, Þjóðminjasafn Íslands og Biskupsstofa. Meðútgefandi og dreifingaraðili er Hið íslenska bókmenntafélag.

Kirkjur Íslands er grundvallarrit um friðaðar kirkjur á Íslandi þar sem horft er á þær frá sjónarhóli byggingarlistar, stílfræði og þjóðminjavörslu. Í máli og myndum er fjallað um kirkjurnar sjálfar ásamt kirkjugripum og minningarmörkum. Kirkjur Íslands eru vandaðar og glæsilegar bækur sem opna sýn inn í mikilvægan þátt í íslenskri menningarsögu. Til útgáfunnar var stofnað í tilefni af 1000 ára afmæli kristnitöku á Íslandi. Áætlað er að bókaflokkurinn verði 29 bindi og útgáfunni ljúki 2018.

Í bindum 21 og 22 er fjallað um friðaðar kirkjur í Þingeyjarprófastsdæmi . Bindin eru prýdd fjölda ljósmynda, sem Ívar Brynjólfsson ljósmyndari Þjóðminjasafns hefur tekið, og teikningum af kirkjunum.

Að útgáfunni standa Minjastofnun Íslands, Þjóðminjasafn Íslands og Biskupsstofa. Meðútgefandi og dreifingaraðili er Hið íslenska bókmenntafélag.

Kirkjur Íslands er grundvallarrit um friðaðar kirkjur á Íslandi þar sem horft er á þær frá sjónarhóli byggingarlistar, stílfræði og þjóðminjavörslu. Í máli og myndum er fjallað um kirkjurnar sjálfar ásamt kirkjugripum og minningarmörkum. Kirkjur Íslands eru vandaðar og glæsilegar bækur sem opna sýn inn í mikilvægan þátt í íslenskri menningarsögu. Til útgáfunnar var stofnað í tilefni af 1000 ára afmæli kristnitöku á Íslandi. Áætlað er að bókaflokkurinn verði 29 bindi og útgáfunni ljúki 2018.

Í þessu bindi er fjallað um friðaðar kirkjur í Skaftafellsprófastsdæmi. Ritið prýðir fjöldi ljósmynda, sem Ívar Brynjólfsson ljósmyndari Þjóðminjasafns hefur tekið, og teikningum af kirkjunum.

Að útgáfunni standa Minjastofnun Íslands, Þjóðminjasafn Íslands og Biskupsstofa. Meðútgefandi og dreifingaraðili er Hið íslenska bókmenntafélag.