Send í sveit: Súrt, saltað og heimabakað kynnir helstu niðurstöður rannsóknar um siðinn að senda börn í sveit á myndrænan hátt. Birt eru ummæli fyrrum sumardvalarbarna og heimafólks samhliða textabrotum úr bókmenntum og þjóðfélagsumræðu, allt frá lokum 19. aldar til líðandi stundar. Fjöldi ljósmynda víðs vegar af landinu prýðir bókina. Lífið í sveitinni var, eins og maturinn, ýmist súrt eða sætt.

Þýðing: Kristín Halla Jónsdóttir. Inngang ritar Sigurður Helgason.

Pierre de Fermat (1601-1665) telst til merkustu stærðfræðinga sögunnar fyrir að hafa lagt grunninn að talnafræði nútímans og fyrir mikilvægar grundvallaruppgötvanir örsmæðarreiknings, stærðfræðilegrar eðlisfræði og fleiri sviðum. Það er þó ein setning öðrum fremur sem valdið hefur ómældum heilabrotum stærðfræðinga fram á okkar daga. Sú gengur undir nafninu „síðasta setning Fermats.“

Setningin fræga fannst eftir dauða Fermats, hripuð á bókarspássíu ásamt þeim orðum að hann hefði fundið dásamlega sönnun á henni, en að sönnunin rúmaðist ekki á spássíunni. Hún segir að engin jákvæð heiltölulausn sé til á jöfnunni xⁿ + yⁿ =zⁿ þar sem veldisvísirinn er tala hærri en tveir. En þrátt fyrir einfaldleika setningarinnar leið hálf fjórða öld þar til breska stærðfræðingnum Andrew Wiles tókst að sanna hana á síðasta áratug 20. aldar.

Þessi bók rekur sögu þessa lífsseiga vandamáls, sem reynist ótrúlega litrík og spennandi, og aðkomu fjölmargra hugsuða að þeirri sögu, allt aftur að rótum vandamálsins í jöfnu Pýþagórasar.

Höfundurinn, Simon Singh er með doktorspróf í eðlisfræði frá Cambridge-háskóla en sérhæfir sig í skrifum um vísindi og vísindasögu auk verkefna og heimildamyndagerðar til að kynna raunvísindi almenningi. Sigurður Helgason stærðfræðiprófessor ritar inngang.

Siðferði og mannlegt eðli fjallar um siðfræði skoska heimspekingsins Davids Hume (1711-1776). Hume varð á sínum tíma fyrstur til að freista þess að gera tæmandi grein fyrir mannlegu siðferði á náttúrulegum og röklegum forsendum einum saman. Fyrir vikið ollu rit hans nokkrum straumhvörfum í sögu vestrænnar hugsunar. Hugmyndir hans um skynsemina sen ambátt ástríðanna, löghyggju og sjáfræði, eðlisdyggðir og gervidyggðir eru meðal þess sem Páll S. Árdal ræðir í þessari bók.

Á fimm alda afmæli siðabótarinnar fagnar séra Sigurjón Árni Eyjólfsson héraðsprestur sextugsafmæli. Sigurjón er ekki aðeins einn helsti Lúthersfræðingur okkar Íslendinga, heldur einnig afkastamikill rithöfundur á sviði guðfræðirannsókna.

Sigurjón er einn fárra Íslendinga sem lokið hafa tveimur doktorsprófum. Á undanförnum árum hefur hann sent frá sér átta bækur um guðfræði, heimspeki, kirkjusögu og siðfræði auk þess sem fjöldi ritrýndra greina eftir hann hafa birst í virtum fræðiritum, bæði hér heima og erlendis. Þá er hann mikill unnandi djasstónlistar og lauk nýverið einleikaraprófi í saxafónleik frá Tónlistarskóla FÍH. Sigurjónsbók er tilraun til þess að heiðra prestinn, fræðimanninn og tónlistarmanninn á þessum merku tímamótum. Í bókina skrifa 20 fræðimenn, íslenskir og erlendir, um guðfræði, heimspeki, sagnfræði, bókmenntir og tónlist. Þeir eiga það allir sameiginlegt að þekkja vel til afmælisbarnsins og margar greinanna bera því vitni með einum eða öðrum hætti.

Sigursveinn D. Kristinsson (1911-1992) var tápmikill, tónelskur og bókhneigður krakki, en þrettán ára gamall lamaðist hann og var bundinn við hjólastól alla tíð síðan. Sigursveinn bjó yfir miklum viljastyrk og tókst að ryðja úr vegi flestum hindrunum sem á vegi hans urðu. Hann bjó yfir ríkri réttlætiskennd, vildi auka hlut alþýðufólks í menningariðkun og barðist fyrir jafnréttismálum fatlaðra. Hann ruddi nýjar brautir í tónmenntamálum og stofnaði fyrstu alþýðlegu tónskólana á Íslandi, Sigursveinn kom einnig að stofnun Sjálfsbjargar.

Útgáfuár: 2014

Í bókinni er gerð grein fyrir tveimur atvinnugreinum, sjávarútvegi og eldi, þar sem framleidd eru matvæli sem seld eru um allan heim, en nú á tímum verða matvæli að vera í boði sem víðast, allan ársins hring og á samkeppnishæfu verði. Í bókinni er lögð áhersla á hve mikilvægt er að Íslendingar beri gæfu til þess að tryggja gæði og afhendingaröryggi afurða sinna úr sjávarútvegi og eldi á erlenda markaði alla daga ársins. Gerð er grein fyrir sögulegri þróun sjávarútvegs og eldis og stöðu þeirra í nútímanum. Fjallað er um alla þætti sjávarútvegs, allt frá veiðum til sölu auk grunnþátta fiskeldis og áhrifum þessara atvinnugreina á samfélag og landsframleiðslu. Umhverfis- og þróunarmálum eru gerð skil auk þess sem stjórnun fiskveiða hérlendis og erlendis er lýst. Auk þess er fjallað um alþjóðavæðingu, nýsköpun og tækifæri, samfélagslega þætti, stöðu kvenna og fæðuöryggi. Í bókinni eru margar frásagnir úr íslensku efnahagslífi.

Útgefandi bókarinnar er Hið íslenska bókmenntafélag og bókin er ætluð öllum þeim sem hafa áhuga á sjávarútvegi og eldi. Í bókinni er staðfest sú skoðun að 20. öldin sé öld sjávarútvegsins á Íslandi. Ýmislegt bendir til þess að fiskeldi, ekki hvað síst landeldi, geti orðið auk sjávarútvegs einn aðalatvinnuvegur Íslendinga á 21. öldinni. Brýnt er að setja sér markmið hérlendis og á heimsvísu um eflingu sjávarútvegs og eldis sem einn mikilvægasta þáttinn í fæðuöryggi framtíðarinnar og þá er forsenda allra athafna að gætt sé að fullu að verndun umhverfisins.

Hægt er að kaupa rafræna útgáfu af bókinni hjá heimkaup.

Um höfundana
Dr. Ásta Dís Óladóttir er prófessor við Háskóla Íslands og fyrrverandi deildarforseti Viðskiptadeildar Háskólans á Bifröst. Ásta Dís er stjórnarformaður Viðskiptafræðistofnunar Háskóla Íslands, Nýsköpunarsjóðs atvinnulífsins, Vísindasjóðs Háskólans á Akureyri og Jafnvægisvogarráðs, auk þess að sitja í stjórn Samherja og Ice Fresh. Ásta Dís starfaði áður sem framkvæmdastjóri ýmissa fyrirtækja og hefur setið í fjölmörgum stjórnum, t.a.m. Samkeppniseftirlitsins, Byggðastofnunar, nýsköpunarfyrirtækja, tryggingafélaga, fjármálafyrirtækja, fjárfestingasjóða og verslana. Hún hefur sinnt kennslu og rannsóknum á sviði stjórnunar og alþjóðaviðskipta við Háskóla Íslands, Háskólann á Bifröst, Háskólann í Reykjavík og Copenhagen Business School, birt fjölmargar greinar og bókarkafla á innlendum og alþjóðlegum vettvangi auk þess að rita með Ágústi bókina Fisheries and Aquaculture. The Food Security of the Future sem Elsevier gaf út árið 2021. Þá hefur hún hlotið ýmsar viðurkenningar fyrir störf sín, meðal annars fyrir að stuðla að eflingu kennslu og rannsókna í sjávarútvegi og fyrir störf sín á sviði jafnréttismála.

Dr. Ágúst Einarsson er prófessor emeritus við Háskólann á Bifröst, fyrrverandi rektor skólans og var um árabil prófessor og deildarforseti í Háskóla Íslands. Hann starfaði áður sem framkvæmdastjóri útgerðar og fiskvinnslu og sat í stjórnum margra fyrirtækja og samtaka þeirra. Ágúst tók virkan þátt í stjórnmálum, var alþingismaður og gegndi fjölmörgum trúnaðarstörfum í samfélaginu og var til að mynda formaður bankaráðs Seðlabanka Íslands, samninganefndar ríkisins, Framtakssjóðs Íslands og ráðgjafanefndar Hafrannsóknastofnunar og sat í stjórn Landsvirkjunar og Borgarleikhússins. Ágúst hefur skrifað fjölda bóka, meðal annars um rekstrarhagfræði, menningarhagfræði,
kvikmyndir, tónlist, heilbrigðismál og íþróttir, flutt erindi og birt greinar í tímaritum, bókum og ráðstefnuritum. Síðasta bók Ágústar Rekstrarhagfræði og samfélagið sem hann ritaði með Axel Hall lektor í Háskólanum í Reykjavík kom út árið 2022. Ágúst var um árabil varaforseti samtaka evrópskra fræðimanna um frumkvöðla og lítil og meðalstór fyrirtæki.

Á þessari bók birtast tvær sjúkrasögur Freuds, sem jafnan ganga undir nöfnunum „Dóra“ og „Úlfamaðurinn“. Um „Dóru“-söguna hefur gríðarmikið verið skrifað og er þeirri umræðu enn ekki lokið. Það ert því ekki að ástæðulausu að hún skuli birt nú í íslenskum búningi, þó að hún sé rúmlega aldargömul. „Úlfamaðurinn“ er hálfum öðrum áratug yngri. Þar er fjallað um ýmis efni, m.a. samkynhneigð.