Af sifjafræði siðferðisins

Friedrich Nietzsche

Af sifjafræði siðferðisins

3.900,- / 3.120,-

Af sifjafræði siðferðisins

Friedrich Nietzsche

Ritið er skrifað um sama leyti og Handan góðs og ills, og hverfist að mörgu leyti um sömu spurningar en tekur á þeim á beinskeyttari hátt. Ritið skiptist í þrjár ritgerðir. Í þeirri fyrstu beinir Nietzsche sjónum að hugtakaparinu “gott og illt” og rekur það til uppreisnar hinna veiku gegn hinum sterku, þ.e. uppreisn þrælanna gegn drottnurum sínum, sem aðhylltust allt annars konar gildismat sem einkenndist af hugtakaparinu “gott og slæmt”. Önnur ritgerðin fjallar um tengsl hugtakanna sekt og skuld og beinir jafnframt sjónum að hinum óhjákvæmilega fylgifiski þeirra, hinni slæmu samvisku. Þriðja ritgerðin hefur svo að geyma ítarlega greiningu Nietzsches á meinlæta- hugsjónum, þ.e. þeirri hugmynd að réttast sé að draga sig í hlé frá skarkala lífsins. Þetta er verk sem skemmtir og hneykslar, ristir upp og opnar nýjar leiðir í hugsun og lífi.

Andkristur

Friedrich Nietzsche

Andkristur

4.500,- / 3.600,-

Andkristur

Friedrich Nietzsche

Andkristur er eitt síðustu verka hans og sameinar marga helstu kosti hans (og galla) í eldskarpri greiningu sem kallast á við niðursallandi yfirlýsingar. Ritið gefur þó fyrst og fremst einstaka innsýn í gagnrýni hans á kristindóminn og evrópska siðmenningu.

Þýðandi Pálína S. Sigurðardóttir og inngangur eftir Sigríði Þorgeirsdóttir.

Fædros

Platon

Fædros

3.700,- / 2.960,-

Fædros

Platon

„Ef einhver göfugur maður og góðgjarn í lund sem sjálfur er ástfanginn af öðrum sér líkum eða hefur einhvern tíma verið elskaður af slíkum manni skyldi nú heyra okkur halda því fram að ástmenn rjúki upp stórmóðgaðir af litlu tilefni og séu afbrýðisamir og rætnir gagnvart ljúflingum sínum, heldurðu ekki að hann hlyti að telja sig vera að hlusta á mann sem uppalinn er hjá sjóurum og hefur aldrei kynnst ást við hæfi frjálsra manna? Hlyti hann ekki að þvertaka fyrir að fallast á lastmæli okkar um ástina?“

Fædros er meðal þekktustu verka Platons og kannski það verka hans sem í mestum hávegum er haft sem bókmenntaverk. Þetta er stutt samræða Sókratesar og Fædrosar og fjallar um efni sem skjóta upp kollinum í fleiri samræðum Platons: Ástina, mælskulist, þekkingu og röklist. Bókin kallast skemmtilega á við önnur verk Platons sem hafa komið út á íslensku, svo sem Samdrykkjuna. Þar er líka vikið að andúð Platons á hinu ritaða máli og hvernig samræðan er besta form sannleiksleitar. Fædros hentar öllum sem áhuga hafa á heimspekilegum efnum jafnt byrjendum sem lengra komnum.

Þýðandinn Eyjólfur Kjalar Emilsson er í algjörum sérflokki þýðenda úr forngrísku, en hann ritar einnig inngang. Þýðingar Eyjólfs á Ríkinu, Gorgíasi og Samdrykkjunni hafa áður komið út hjá Lærdómsritunum.

Frelsið

John Stuart Mill

Frelsið

3.490,- / 2.792,-

Frelsið

John Stuart Mill

Frelsið er þekktasta rit John Stuart Mill og telst til sígildra rita stjórnspekinnar. Bókin þótti róttæk þegar hún kom  fyrst út árið 1859, en hugmyndirnar sem Mill setur fram í henni hafa orðið ein helsta undirstaða stjórnspeki eftir hans dag og grundvallaratriði lýðræðislegrar stjórnskipunar. Verkið á þó enn fullt erindi við lesendur, enda er það fyrst og fremst siðfræðirit, og vinsældir þess og útbreiðsla allt til þessa dags bera því vitni hversu skýr og djúp hugsun Mills um frelsi og þroska einstaklingsins er, auk þess sem framsetningin og stíllinn gera verkið einkar aðgengilegt og læsilegt.

Frelsisreglan, sem Mill setur hér fram, hljóðar svo að einstaklingurinn beri aðeins ábyrgð gagnvart samfélaginu á þeim athöfnum sínum sem skaði hagsmuni annarra, en ekki þeim sem varða aðeins hann sjálfan. Því er hvorki ríkinu né öðru fólki heimilt að skerða athafnafrelsi einstaklingsins nema í sjálfsvörn. En það er ekki fyrst og fremst ríkisvaldið sem Mill beinir gagnrýni sinni að, heldur alræði meirihlutans, hin oft og tíðum þögla skoðanakúgun  sem leitast við að steypa alla í sama mót og heftir þannig þroska einstaklingsins. Það er samfélaginu nauðsynlegt að meðlimir þess búi við hugsana- og málfrelsi og fái að þroskast í fjölbreytileika sínum til þess að allar skoðanir fái færi á að njóta sín, því það er aðeins í rökræðunni sem ljóst verður hvort skoðun sé sönn eður ei. Auk þess er hver sú skoðun sem við aðhyllumst ekki einlæg og hjartfólgin sannfæring, sem ræður breytni okkar, fyrr en við höfum tekist á við gagnrýni og efasemdaraddir.

Mill var einn af merkustu heimspekingum 19. aldar, höfuðpostuli nytjastefnunnar og baráttumaður fyrir kvenréttindum. Um þessi efni hafa komið út í Lærdómsritaröðinni verk hans Nytjastefnan og Kúgun kvenna. Frelsið er tileinkað eiginkonu Mills, Harriet Taylor, sem var náinn samstarfsmaður hans við ritun hennar.

Frelsið kom áður út í íslenskri þýðingu Jóns Ólafssonar á vegum Hins íslenzka þjóðvinafélags árið 1886. Í forspjalli rekur Þorsteinn Gylfason viðtökur Íslendinga við þeirri útgáfu sem og helstu atriði ævi og hugsunar Johns Stuarts Mill.

Öld gensins

Evelyn Fox Keller

Öld gensins

4.500,- / 3.600,-

Öld gensins

Evelyn Fox Keller

 Alla tuttugustu öld var genið í miðpunkti erfðarannsókna og staða þess virtist enn styrkjast þegar lýst var byggingu DNA kjarnsýrusameindarinnar. En því fer þó fjarri að staða gensins sé trygg eða augljós.
Í Öld gensins er bent á að genið er ekki síður reist á gömlum staðalmyndum en nýjustu uppgötvunum erfðafræðinnar.
Þýðandi Kristján G. Arngrímsson og inngangur eftir Skúla Skúlason.

Saga tímans

Stephen Hawking

Saga tímans

3.490,- / 2.792,-

Saga tímans

Stephen Hawking

UPPSELD

Þýðing: Guðmundur Arnlaugsson. Inngang ritar Lárus Thorlacius.

Stephen Hawking hefur farið fremstur í flokki kennilegra eðlisfræðinga samtímans og er í fararbroddi þeirrar greinar eðlisfræðinnar sem nefnist heimsfræði og tekur til uppruna, eðlis og þróunar alheimsins. Hawking hefur einnig lagt sig fram um að setja niðurstöður sínar og kenningar fram á aðgengilegan og skýran hátt fyrir almenning og þessi bók, sem er frægasta verk hans af þeim toga, hefur notið stöðugra vinsælda um allan heim. Heimsfræðin leitar enda svara við einhverjum mest heillandi ráðgátunum um heiminn en það kemur einnig til að framsetning Hawkings er afar skýr og lifandi.

Heimsfræði á rætur sínar annars vegar í afstæðiskenningu Einsteins og hins vegar þeirri uppgötvun Hubbles að alheimurinn sé að þenjast út. Í ljósi hins síðarnefnda hafa menn talið að heimurinn eigi upptök sín í punkti með óendanlegan efnisþéttleika og óendanlegri sveigju rúmsins, svokallaðri sérstöðu eða miklahvelli. Hawking vakti fyrst athygli fyrir að sýna fram á að tíminn eigi sér upphaf í miklahvelli í öllum heimslíkönum þar sem tilteknum almennum skilyrðum er fullnægt. Uppgötvun svokallaðs örbylgjukliðar er síðan talin hafa staðfest kenninguna um miklahvell endanlega. Sérstæður myndast einnig þegar massamikil stjarna fellur saman og verður að svartholi, sem eru annað af helstu rannsóknarefnum Hawkings. Við slíkar aðstæður bregðast lögmál eðlisfræðinnar og massi svartholanna sogar allt að sér. Hawking uppgötvaði aftur á móti geislun sem svarthol senda frá sér þegar par agnar og andagnar lendir í návígi við svarthol en aðeins önnur ögnin lendir inni í því og hin verður eftir. Þessa geislun hefur síðan tekist að mæla.

Í Sögu tímans gerir höfundurinn grein fyrir þessum uppgötvunum og skýrir rækilega eðlisfræði sína, án þess að nota flóknar stærðfræðijöfnur en með fjölda skýringamynda. Hann fjallar einnig um það sem nú er eitt helsta markmið eðlisfræðinga, að gera grein fyrir þyngdaraflinu út frá forsendum skammtafræðinnar, og varpar skýru ljósi á heimsmynd eðlisfræði nútímans sem mörgum virðist svo framandi.

Inngangur Lárusar Thorlacius veitir gagnlegt yfirlit um rannsóknir Hawkings og þróun heimsfræðinnar. Þá eykur enn gildi ritsins orðskýringalisti í bókarlok með ýmsum eðlisfræðilegum hugtökum sem koma fyrir í bókinni.

Skynsemin í sögunni

G.W.F. Hegel

Skynsemin í sögunni

4.500,- / 3.600,-

Skynsemin í sögunni

G.W.F. Hegel

Í ritinu Skynsemin í sögunni er dregin upp heildstæð mynd af hugsun Hegels um samfélag og sögu. Sú hugsun og ritið sjálft hefur haft, og hefur enn, djúp áhrif á samtíma okkar, ekki aðeins á sviði heimspekinnar heldur einnig á hvernig hugsað er og fjallað um stjórnmál.
Markmið andans í framvindu sögunnar er ljóst: Tryggja frelsi til að fylgja samvisku sinni og siðferði
Þýðing Arthur Björgvin Bollason og Þröstur Ásmundsson sem einnig ritar inngang.

Lærdómsritin

Sýni eina niðurstöðu