Í bók þessari er greint frá fyrstu tilraunum breskra botnvörpuveiða við Íslandsstrendur. Síðan er rakin veiðisaga breskra togara á áðurnefndu tímabili, sagt frá helstu veiðisvæðum þeirra, aflabrögðum, aflasamsetningu og greint frá því hver var hlutur Breta í heildarafla á Íslandsmiðum á þessum árum.

Ýtarlega er sagt frá fiskveiðideilum Íslendinga og Breta á árunum 1895-1901. Aðdragandi samnings breskra og danskra stjórnvalda um íslensku landhelgina árið 1901 er rakin og skýrður með tilliti til þeirra viðhorfa sem ríktu í landhelgismálum í Evrópu. Þá er einnig alllangur kafli um landhelgisgæslu Dana við Ísland á þessum árum og um fyrstu tilraunir Íslendinga til landhelgisgæslu.